Winning entries could not be determined in this language pair.There were 2 entries submitted in this pair during the submission phase. Not enough entries were submitted for this pair to advance to the finals round, and it was therefore not possible to determine a winner.Competition in this pair is now closed. |
ذرا آپنے دماغ دے بُوہے نوں کھول کے اپنے خیالاں دے وچ اک نظارہ ویکھو کہ تُسی کسے ولیتی ملک دے دارالحکومت دے اک ہوٹل وچ بیٹھے او جتھے دی بولی تہانوں ذرا وی نئیں آؤندی۔ تے بیرے نوں وی انگریزی زبان بوت ہی گھٹ آؤندی اے۔ تُسی کسے نہ کسے طراں آپنی سِر توڑ مغز ماری توں بعد کھانیاں دی فرست وچوں کسے کھانے نوں صرف اندازہ لا کے پچھاندیاں ہویاں منگا لیندے او۔ تے اپنے ڈِھڈ دی اگ بجھاؤن توں بعد پیسے دے دیندے او۔ ہُن اس توں ذراں ہٹ کے آپنی سوچاں تے خیالاں وچ ہک ہور منظر نوں لیہا کے ویکھو کہ تُسی کسے پہاڑ اُتے چڑھدیاں رستہ بُھل کے پرانے ایمازون قبیلے دے لوکاں دی اک بستی وچ جا پوہنچے او۔ تہانوں سخت بُھک لگی اے، ڈِھڈ وچ چوہے نَسدے پئے نیں تے اودھر بستی دے لوکی ایس سوچی پے گئے نیں کہ اخیر تہاڈے نال کیہ سلوک کیتا جاوے۔ تُسی اونہاں نوں آپنی بُھک دا احساس دِلان تے کھانا مَنگن لئی آپنے جبڑیاں نوں ہلاندیاں ہویاں خوراک چَبن دی اوازاں کڈدے او جنوں او غلطی نال تُہاڈے دُدھ پین دے زمانے دی بولی سمجھ لَیندے نیں تے جدوں تُسی اونہاں نوں سمجھان دی ساری کوششاں وچ نکام ہو کے تھک ہار کے آپنی ہار مَنن دے طور تے آپنے ہتھ کھڑے کردے او تے او ایس دا مطلب اے سمجھ لیندے نیں کہ تُسی اونہاں اُتے حملہ کرن لگے او۔ کدی وی سانجھی معلومات یا صحیح علم ناں ہوون دی صورت وچ کسے دوسرے دی گل بات نوں سمجھنا اک اوکھا کم اے۔ مثال دے طور تے انساناں نوں کسے وی حالت وچ دسیاں ہزاراں وریہاں تک جوہری تابکاری دی تھاواں دے نیڑے وی نئیں جانا چائیدا۔ لیکن اس حقیقت نوں سامنے رکھدیاں کہ صرف اک ہزار سال پہلاں دی انگریزی بولی اج دے جدید انگریزی جانن والیاں دی اکثریت دی عقل سمجھ توں بار اے، متعلقہ اداریاں نے آپنی پوری کوششاں کیتیاں نیں کہ جوہری فضلے نوں ٹھکانے لان دیاں تھاواں اُتے دوجیاں نوں خبردار کرن آلے ایخو جئے پیغامات لائے جاون جیہڑے نظراں توں اوہلے تے آن آلے زمانیاں وچ آن آ لی نسلاں وی سمجھ لین۔ اے کم کرن آلی مختلف کمیٹیاں دے ارکان ہر قسم دی گل بارے غور کر بیٹھے نیں۔ جنہاں وچ کنکریٹ دیاں وڈیاں کداور نوکیلی میخاں توں لے کے مشہور مصور ایڈورڈ منچ دی دنیا چے مشہور تصویر ﴿ چیک، دی سکریم ﴾، نالے جینیاتی طور اُتے تبدیل کیتے گئے بُوٹے جنہاں دا رنگ انتہائی خبردار کر دین دی حد تک گہرا نیلا ہو جاندا اے شامل نیں۔ لیکن آن والے وقتاں بارے کسے وی تجویز یا حل دے ٹھیک ہوون دی ضمانت نئیں دتی جا سکدی۔ نیوکلیائی فضلے نوں ٹھکانے لاون آلیاں تھاواں تے لان آلے پیغاماں نوں بنان آلے اینہاں لوکاں وچوں کُج نوں اس توں وی وَڈی اک مشکل دا سامنا اے۔ او مشکل اے غیرزمینی یا خلائی مخلوق تک اے پیغام پوچانا تاکہ او وی تابکاری دے انتہائی خطرناک اثرات توں بچ سکن۔ امریکا دے ایک ماہواری رسالے ۔ وائرڈ ۔ دے نال کم کرن آلے اک صحافی ڈینئیل اوبر ہاؤس دی نویں کتاب خلائی زباناں ﴾ دا موضوع وی ایہو ای اے۔ ﴿ اجے تک اے گل ساڈے وہم و گمان چے وی نئیں کہ خلائی مخلوق آخر کِنج اینہاں اطلاواں نوں سمجنے دے قابل ہووے گی۔ ١۹۷۰ دی دہائی دے شروع وچ خلائی جہاز پایونیئر ١۰ تے ١١ خلا وچ گھلے گئے سَن جنہاں تے دو تختیاں لگیاں ہویاں سن جنہاں اتے مرد تے زنانی دی الف ننگیاں مورتاں دے نال زمین نوں لبھن لئی اک غیر واضح تے مبہم جیہا نقشہ وی اے۔ اے بالکل پہلاں پہل دا اک غیر یقینی جیہا کم سی پر ایس توں بہر حال اے مفروضہ کَیم کیتا گیا سی کہ خلائی مخلوق ویکھ وی سَکدی اے۔ فیر وی ایس خلائی جہاز دے ویکھے جاون دا چانس بوہتا ای گھٹ سی پرایس دے مقابلے وچ دھرتی تُوں گھلیاں گئیاں روشنی دی رفتار نال سفر کردیاں ریڈیائی نشریات دے ذریعے رابطہ ہوون دا چانس بوہتا زیادہ اے ۔ پر ایس مقصد لئی جیویں زمینی ریڈیو دا ٹھیک فریکوینسی ﴿ اواز دیاں لہراں دی اُچ نیچ ﴾ نال مِلنا لازمی اے بالکل ایسے طراں خلائی مخلوق دے ریڈیو آستے وی اے اتنا ہی ضروری ہووے گا۔ پر اَسی آخر اے پیش گوئی کس طرح کر سکدے آں کہ اونہاں دا ریڈیو ٹھیک فریکوینسی اُتے چل ریا ہووے گا ؟ خلائی جہاز پایونیئر اُتے لائی ہوئی تختی سانوں ہائیڈروجن ایٹم ﴿ جِدی مقناطیسی قُطبیت باکیدگی نال وقفے وقفے نال ١۴۲۰ میگا ہرٹز دی فریکوینسی نال بدلدی ریندی اے ﴾ دے بنیادی نقشے دی صورت وچ اک ہلکا جیہا اشارہ دیندی اے۔ ایس کائنات وچ ہائیڈروجن عنصر دی بوہتی زیادہ مقدارموجود اے ایس لئی ایس امید دا دامن ہتھ توں نئیں چھڈیا جا سکدا کہ رابطے لئی اے خاکہ اک قسم دے ممکنہ فون نمبر دا کم دے سکدا اے۔ | Entry #31369 — Discuss 0 — Variant: Pakistani
|
English to Punjabi | Entry #31777 — Discuss 0 — Variant: Gurumukhi yyvv (X)
|