Unë deri tani e kam përkthyer si Shefi ekzekutiv. Zakonisht ky është shefi i ndonjë ndërmarrjeje publike, d.m.th. ndërmarrja/kompania nuk i përket atij, por publikut. Shefi është emëruar për drejtimin e kësaj ndërmarrjeje/kompanie.

Me c'shpjegohet në faqen më poshtë, ky më duket një përkthim i mundshëm. Por mbase ka një post pune më konkret që ekziston në shqip.


--------------------------------------------------
Note added at 1 day4 hrs (2007-05-14 21:02:11 GMT)
--------------------------------------------------

Në këtë faqe:

http://www.legjislacionishqiptar.gov.al/doc.jsp?doc=docs/Lig...

gjendet shpjegimi i mëposhtëm (hapni edit / find in this page / shtypni "kreu ekzekutiv".
(vii) Termi “kreu ekzekutiv” nënkupton zyrtarin kryesor ekzekutiv të agjencisë së specializuar në fjalë, i caktuar ose jo “Drejtor i Përgjithshëm”.

Kërkimi me fjalët "kreu ekzekutiv" nxjerr plot faqe shqiptare. Po ashtu nxjerr edhe "shefi ekzekutiv". Madje edhe termi "drejtor i përgjithshëm ekzekutiv" është përdorur për Reinhard Kalendën (CEO - Hochtief Airport) në gazetën KORRIERI që e kam përkthyer në anglisht para pak javësh. Ma merr mendja që tek e fundit bëhet fjalë se si e kanë parë të udhës përkthyesit ta përshtasin këtë fjalë. Asnjëra nuk është për t'u hedhur poshtë :)

chief executive officer
n. Abbr. CEO
The highest-ranking executive in a company or organization, responsible for carrying out the policies of the board of directors on a day-to-day basis.

A CEO is just one person, see http://dictionary.reference.com/browse/ceo

Gjithashtu, linku nuk tregon me saktësi se CEO duhet përkthyer si "kreu/drejtori/shefi". Linku vetëm tregon se këto fjalë ekzistojnë dhe përdoren në gjuhën shqipe, por ne e dinim këtë. Shpeshherë ne gjejmë fjalë të përdorura në internet, por kjo nuk do të thotë me saktësi se ajo fjalë e përdorur në atë rast ishte përkthimi i fjalës së kërkuar nga anglishtja (apo gjuhë tjetër). Gjetja e asaj fjale/fraze vetëm tregon se ajo fjalë është përdorur nga dikush më përpara, asgjë tjetër. Prandaj unë nuk u besoj shumë linqeve pa lidhje të gjetura në internet, pasi të gjithë mund të shkruajnë aty...



--------------------------------------------------
Note added at 2 days26 mins (2007-05-15 16:42:26 GMT)
--------------------------------------------------

Note 2: Kreu mund të jetë edhe një, edhe disa persona. "Një këshill drejtorësh" përbën kreun e kompanisë. P.sh. kompanitë publike kanë një CEO dhe një sërë drejtorësh që mbajnë përgjegjësi për drejtoritë e ndryshme. Ta zemë një kompani publike bulmeti ka një CEO dhe ka: 1. Drejtorin e sjelljes së qumshtit, drejtorin e skremimit të qumshtit, drejtorin e djathit, drejtorin e gjalpit, të bozës e kështu me rradhë :) :). Asnjëri prej tyre nuk e zotëron kompaninë, ajo i përket publikut. Kreu i kësaj kompanie është CEO-ja së bashku me drejtorët e tjerë, përfshirë edhe atë të gjizës që e harrova më lart.

Gjithë të mirat,
Eva