Правілы сайта

Правілы карыстання ProZ.com

Наступныя правілы створаныя, каб пашырыць і абараніць прыемную, арыентаваную на вынікі атмасферу ProZ.com як працоўнага месца перакладчыкаў. Карыстаючыся сайтам, вы пацвярджаеце, што прымаеце гэтыя правілы і згаджаецеся выконваць іх.

Катэгорыя

Правіла сайта

1	Раздзел Blue Board сайта ProZ.com служыць крыніцай інфармацыі аб працадаўцаў, якія замаўляюць вусны і пісьмовы пераклад і іншыя лінгвістычныя паслугі, а таксама дае магчымасць выразіць гатоўнасць да далейшага супрацоўніцтва з пэўнымі працадаўцамі. Забараняецца ўжываць Blue Board для іншых мэтаў.
2	Каб пакінуць водгук у Blue Board, трэба выканаць пэўныя патрабаванні. Водгукі з ІПС (імавернасць паўторнага супрацоўніцтва) дазваляецца пакідаць толькі тады, калі (1) замова была выкананая поўнасцю і ў належны час і (2) не мелася нараканняў наконт якасці працы неўзабаве пасля яе здачы. Нельга пакідаць водгукі па выніках перамоў, тэставых перакладаў, іншых папярэдніх або не звязаных непасрэдна з перакладам дзеянняў.
3	Калі атрыманы адказ, водгук нельга рэдагаваць. Выканаўца паслуг можа пакінуць адзін кароткі водгук, а працадаўца можа пакінуць адзін кароткі адказ (заўвага: пакуль адказу няма, водгук можна рэдагаваць).
4	Пасля адпраўкі адказы нельга рэдагаваць.
5	Карыстальнікам сайта можна рабіць толькі адзін водгук на працадаўцу, раз на год. Дадатковыя водгукі можна рабіць не часцей аднаго разу за год пры ўмове выканання дадатковай працы пасля папярэдняга водгуку.
6	Водгукі пра сябе забароненыя. Працадаўцы, уладальнікі і супрацоўнікі кампаній-працадаўцаў, уключаных у Blue Board, не маюць права пакідаць водгукі аб сваёй «імавернасці паўторнага супрацоўніцтва» з самімі сабой або са сваімі кампаніямі.
7	Паклёпы забароненыя. Забараняецца ўжываць Blue Board для паклёпаў на людзей або кампаніі. Водгукі, каментарыі да водгукаў, адказы на водгукі павінны закранаць толькі гатоўнасць да паўторнага супрацоўніцтва.
8	Забараняецца ўплываць на карыстанне іншымі базай Blue Board. Забараняецца ціск на кагосьці з мэтаю, каб ён замяніў водгук / адказ на водгук у Blue Board або пакінуў новы водгук / адказ пэўнага характару (дазваляецца заклікаць выканаўцаў паслуг або працадаўцаў пакідаць водгукі або адказы пры ўмове адсутнасці спроб паўплываць на змесціва падобных допісаў).
9	Забараняецца ўжываць Blue Board для прымушэння. Строга забараняецца карыстацца (або пагражаць скарыстацца з) Blue Board, каб прымусіць працадаўцу або выканаўцу паслуг да нейкага дзеяння.
10	Запісы застаюцца ў Blue Board на працягу прынамсі шасці месяцаў пасля любога дзеяння ў якасці працадаўцы. ProZ.com разглядае запыты ад працадаўцаў на выдаленне пэўных кантактных звестак з Blue Board пры наяўнасці канкрэтных абгрунтаванняў. Аднак у большасці выпадкаў падобныя запыты не будуць разглядацца, пакуль не міне прынамсі шэсць месяцаў ад даты апошняга вядомага дзеяння ў якасці працадаўцы.

Выкананне згаданых правілаў з’яўляецца ўмовай для працягу правоў на доступ і выкарыстанне сайта.

Забеспячэнне выканання правілаў

Персанал і мадэратары сайта могуць выконваць любое з наступных дзеянняў у мэтах забеспячэння выканання пазначаных правілаў сайта:
* звяртацца да карыстальнікаў сайта, каб прыцягнуць увагу да пэўных правілаў;
* не ўхваляць (або выдаляць/хаваць) паведамленні, якія парушаюць правілы;
* рабіць так, каб карыстальнікі, выканаўшыя пэўныя дзеянні, бачылі паведамленні, звязаныя з правіламі;
* прыпыняць, часова або пастаянна, доступ да функцый сайта, ужытых пры парушэнні правілаў;
* касаваць профіль або членства (толькі персанал)

Мадэратары і супрацоўнікі павінны дзейнічаць у адпаведнасці з правіламі і абароненыя імі такім сама чынам, як і іншыя члены.

Касаванне

У рэдкіх выпадках цяжкіх парушэнняў персанал ProZ.com можа скасаваць профіль (і членства) з неадкладным набыццём моцы. У большасці выпадкаў, аднак, на ProZ.com ужываецца практыка выдачы жоўтых / чырвоных картак, падобна таму, як гэта робіцца ў футболе, для скасаванняў.

Жоўтыя і чырвоныя карткі выдаюцца толькі персаналам сайта. Даецца спасылка на правіла паводле ягонага нумара і рэгіструецца дата карткі. Тэрміны «жоўтая картка» і «чырвоная картка» выкарыстоўваецца яўна: яны ўключаюцца ў тэму паведамлення пры адпраўцы па электроннай пошце.

Карыстальнік сайта, які атрымаў жоўтую картку, можа працягваць карыстацца сайтам (часам з некаторымі абмежаваннямі), але яму аб’яўляецца, што далейшыя парушэнні прывядуць да скасавання. Асоба, чый профіль быў скасаваны, не будзе ізноў прынята на ProZ.com.

У дачыненні да працадаўцаў дзейнічаюць Правілы скасавання.

Тлумачэнне

Каб атрымаць тлумачэнні што да любога з вышэйзгаданых правілаў або забеспячэння выканання правілаў, накіруйце запыт у службу падтрымкі.